Euskadiko Oroimen Historikoaren Agiritegia (EOHA) Mario Onaindia Fundazioak garatutako proiektu bat da. Diktadura frankistaren eta Trantsizio demokratikoaren inguruko Euskadiko oroimen historikoa bildu, zaindu, aztertu eta hedatzea du helburu.

EOHAko dokumentu-funtsak kontsultatzeari esker, Euskadiko garai haietako instituzioen eta organizazio politiko, sindikal eta sozialen jarduera ezagutu daiteke. Erakunde hauek frankismoari aurre egin, erregimenaren aldaketa bultzatu eta demokraziaren biderako aurrerapausoak eman zituzten.